föstudagur, 23. júlí 2021
 
TölublöðVenjuleg útgáfa

Færeyingar veiddu 19.000 tonn við Ísland árið 2010

19. desember 2011 kl. 11:08

Færeyskt línuskip. (Mynd: Þorgeir Baldursson)

Þorskur, keila og langa helsti botnfiskaflinn.

Alls námu veiðar Færeyinga við Ísland um 19.000 tonnum á árinu 2010, samkvæmt nýbirtum tölum Hagstofu Íslands. Á árinu á undan nam aflinn aðeins 9.000 tonnum en mismuninn má fyrst og fremst rekja til þess að á árinu 2009 veiddu færeysk skip enga loðnu hér við land.

Botnfiskafli Færeyinga nam 5.335 tonnum á árinu 2010 sem er svipað og árið á undan en á árinu 2008 veiddu færeysk skip rétt um 6.000 tonn á Íslandsmiðum.

Af einstökum botnfisktegundum veiddu Færeyingar í fyrra mest af keilu (1.794 tonn), þorski (1.428 tonn) og löngu (1.095 tonn).

Af uppsjávarfiski veiddu þeir mest af loðnu eða 7.400 tonn.