þriðjudagur, 28. september 2021
 
TölublöðVenjuleg útgáfa

Færeyingur tekinn í norskri lögsögu

23. febrúar 2016 kl. 09:42

Færeyski togarinn Gadus í höfn í Tromsö ásamt strandgæsluskipinu KV Sortland. (Mynd: Norska strandgæslan).

Hafði vanrækt að tilkynna veiðar á 140 tonnum af fiski.

Norska strandgæsluskipið KV Sortland færði færeyska togarann Gadus til hafnar í Tromsö eftir að í ljós kom við eftirlit á hafi úti, áður en togarinn hélt heim úr norsku lögsögunni, að skipstjórinn hafði ekki tilkynnt um 140 tonna afla sem fékkst á síðustu dögum veiðanna. 

Skipstjórinn fékk 25.000 NOK sekt, ígildi 376 þús. ISK, og útgerðin varð að sjá af 21 milljón ISK. Gadus hafði stundað þorskveiðar í Barentshafi frá því í janúar þegar norska strandgæsluskipið hafði afskipti af honum um 50 mílur norður af Tromsö.