miðvikudagur, 11. desember 2019
 
TölublöðVenjuleg útgáfa

Færeyjar leita úrskurðar Alþjóðaviðskiptastofnunarinnar

4. nóvember 2013 kl. 14:26

Þórshöfn í Færeyjum.

Telja viðskiptaþvinganir ESB stangast á við samþykktir stofnunarinnar.

Færeyska landsstjórnin hefur óskað eftir því við Alþjóðaviðskiptastofnunina (WTO) að hún úrskurði um það hvort viðskiptaþvinganir Evrópusambandsins í garð Færeyinga vegna síld- og makrílveiða þeirra brjóti í bága við samþykktir WTO.  

Í frétt frá færeysku landsstjórninni segir að gagnstætt því sem ESB haldi fram um að grípið sé til refsiaðgerðanna til þess að vernda norsk-íslenska síldarstofninn, þá sé tilgangurinn að vernda hagsmuni uppsjávariðnaðarins í ríkjum ESB. Deilan um norsk-íslenska síldarstofninn sé enn til umfjöllunar á samningafundum þeirra ríkja sem hlut eiga að máli. 

Því má bæta við að Færeyingar stefndu Evrópusambandinu fyrr á þessu ári fyrir Hafréttardómstól Sameinuðu þjóðanna vegna sama máls.