föstudagur, 15. janúar 2021
 
TölublöðVenjuleg útgáfa

Fæst ekki fyrir gull og græna skóga

30. apríl 2011 kl. 09:00

Karfi í trollpoka. (Mynd: Þorgeir Baldursson).

Vandræðaástand hefur skapast vegna skorts á leigukvóta í djúpkarfa.

Nú þegar fjórir mánuðir eru eftir af fiskveiðiárinu er djúpkarfakvótinn að heita má veiddur upp. Ástæðan er annars vegar niðurskurður karfaaflaheimilda og hins vegar sundurgreining kvótans í gull- og djúpkarfa, en hingað til hefur einn sameiginlegur kvóti verið fyrir þessar tegundir tvær.

 ,,Ég hef boðið mönnum gull og græna skóga vilji þeir skipta á djúpkarfakvóta og öðrum tegundum, því ekki þýðir að bjóða peninga, en allt hefur komið fyrir ekki. Þeir sem eiga einhvern djúpkarfakvóta óveiddan eru hræddir um að lenda sjálfir í vandræðum ef þeir láti hann frá sér,” segir Björn Jónsson hjá kvótamiðlun LÍÚ í samtali við Fiskifréttir.

 Skapast hefur vandræðaástand af þessum sökum þar sem mörg skip eiga ekki lengur kvóta fyrir djúpkarfa sem meðafla.

 Sjá nánar í Fiskifréttum.