sunnudagur, 25. ágúst 2019
 
TölublöðVenjuleg útgáfa

Ferskur þorskur - vantar 2,1 milljarð

8. mars 2017 kl. 08:50

Þorskflak

Engum blöðum er um það að fletta að milljarðar hafa tapast í útflutningsverðmætum, að dómi LS

Áhrifa verkfallsins eru nú óðum að koma í ljós. Engum blöðum er um það að fletta að milljarðar hafa tapast í útflutningsverðmætum, segir í frétt á vef Landssambands smábátaeigenda.

Við skoðun talna fyrir nýliðinn janúar er ljóst að útflutningsverðmæti í okkar verðmætustu afurð - ferskum þorski - var aðeins 30% af því sem það var á sama tíma í fyrra. Í janúar sl. skilaði ferskur þorskur 1,3 milljarði en 3,4 milljörðum á sama tíma í fyrra. Magnið nú var aðeins 38% af því sem það var í fyrra.

Í tölum Hagstofunnar sem upplýsingarnar eru unnar upp úr, er ferskum þorski skipt í fjóra flokka.  Nú í janúar var vægi hvers í magni þessi:

 

  •  
    • roðflett heil flök 48%
    • roðflett flök í bitum 38%
    • heil flök með roði   9%
    • óroðflett flök   4%

Roðflett flök í bitum skilaði mestum verðmætum um 600 milljónum.

Þrjá þjóðir keyptu sinn hvern fjórðunginn af ferskum þorski héðan - Bandaríkin, Belgía og Frakkland.