föstudagur, 17. september 2021
 
TölublöðVenjuleg útgáfa

Fiskimjölsverksmiðjur fengu 80% meira hráefni

4. febrúar 2016 kl. 09:00

Loðna um borð í Berki NK. (Mynd Þorgeir Baldursson)

Þrjú stærstu félögin tóku á móti um 63% af þeim fiski sem fór til bræðslu á síðasta ári

Árið 2105 var gott ár hjá fiskimjölsiðnaðinum. Verksmiðjurnar tóku á móti um 780 þúsund tonnum af hráefni sem er rúmlega 80% aukning frá árinu áður. Fiskimjölsverksmiðjurnar hafa ekki fengið meira hráefni til vinnslu í ártug eða svo. Þetta kemur fram í ítarlegri úttekt í nýjustu Fiskifréttum.

Megnið af hráefni fiskimjölsverksmiðjanna er loðna en einnig var brætt töluvert af kolmunna. Aukning varð í framleiðslu á fiskimjöli og lýsi úr makríl milli ára. Verulegur hluti af hráefni fiskimjölsverksmiðjanna kemur frá erlendum skipum. Þau lönduðu hér tæpum 140 þúsund tonnum af loðnu og kolmunna. Hluti loðnunnar fór í manneldisvinnslu.

Þrjár fiskimjölsverksmiðjur Síldarvinnslunnar tóku á móti mestu hráefni, eða samtals 263 þúsund tonnum og um 34% af heildinni. Alls tóku þrjú stærstu félögin á móti um 63% af þeim fiski sem fór til bræðslu á síðasta ári.  

Sjá nánar í úttekt í nýjustu Fiskifréttum.