laugardagur, 6. mars 2021
 
TölublöðVenjuleg útgáfa

Fiskistofa nýtir sér dróna

7. janúar 2021 kl. 12:46

Fiskistofa hefur áður í samstarfi við Landhelgisgæsluna gert tilraunir með notkun dróna. MYND/EMSA

Eftirlit með dróna verður hluti af hefðbundnu eftirliti Fiskistofu. Öll leyfi fengin og eftirlitsmenn hafa fengið tilsögn.

Fiskistofa greinir frá því að eftirlitsmenn stofnunarinnar hafi nú tekið dróna til notkunar. Búnaðurinn verður notaður við eftirlit með nýtingu auðlinda bæði hafs og vatna. 

„Eftirlit með notkun dróna mun nú verða hluti af hefðbundnu eftirliti Fiskistofu og hafa eftirlitsmenn Fiskistofu fengið kennslu og tilsögn í meðferð tækjanna og öll tilskilin leyfi liggja fyrir," segir í tilkynningu á vef stofnunarinnar.

„Annars vegar er um að ræða vöktun í rauntíma þar sem myndefni er ekki safnað og hins vegar söfnun myndefnis í þeim tilfellum sem um er að ræða grun um frávik frá lögum og reglum. Um vinnslu myndefnis fer samkvæmt gildandi reglum og fyrirmælum Persónuverndar.“