þriðjudagur, 26. maí 2020
 
TölublöðVenjuleg útgáfa

Fleiri klárir fyrsta dag strandveiða en í fyrra

4. maí 2020 kl. 14:50

Í upphafi strandveiða 2019 voru 249 bátar en 331 nú. Þeir enduðu í 620 í lok sumars í fyrra.

Bátar með virk strandveiðileyfi nú fyrsta dag strandveiða, 4.maí, eru 331 talsins.

Þetta kemur fram á vef Fiskistofu.

Bátarnir eru 136 á A-svæði, 41 á B-svæði, 46 á C-svæði og 108 á D-svæði.

Alls höfðu borist 390 umsóknir í morgun.

Í upphafi strandveiða 2019 voru 249 bátar og enduðu þeir í 620 í lok sumars. Í ár eru því 33% fleiri bátar að hefja strandveiðar en í fyrra.