Fræðsluefni um öryggismál í fiskvinnslu

1. nóvember 2017 kl. 16:04

Vinnuslysum í fiskvinnslu hefur fjölgað á síðustu árum - N4 vinnur fræðsluefni sem viðbragð við þeirri stöðu.

Brugðist við auknum fjölda vinnuslysa í fiskvinnslu á síðustu árum með aukinni fræðslu í vinnuvernd.

Sjónvarpsstöðin N4 hefur gert sex myndbönd um öryggismál starfsfólks í fiskvinnslu en yfirskrift myndbandanna er Öryggi er allra hagur.

Myndböndunum er ætlað að vera fræðandi og benda á mikilvægi þess að allir sem koma að vinnslunni séu meðvitaðir um að öryggis- og hreinlætismál séu í góðu lagi.

Rannsóknarsjóður síldarútvegsins styrkti gerð myndbandanna og sérfræðingar Vinnueftirlitsins veittu faglega ráðgjöf og þekkingu.

Eyjólfur Sæmundsson, forstjóri Vinnueftirlitsins, fagnar myndböndunum og segir í fréttatilkynningu:

„SFS og ýmis fiskvinnslufyrirtæki hafa verið að gera ráðstafanir til að auka öryggi fiskvinnslufólks við sín störf og þetta fræðsluefni er mikilvægt skref í þá átt.“

María Björk Ingvadóttir, framkvæmdastjóri N4, segir að framleiðsludeild N4 hafi á að skipa hæfu fagfólki sem kunni vel til verka í gerð fræðslumyndbanda, og í þessu tilfelli hafi verið byggt á ákveðinni sérþekkingu starfsfólks N4 úr sjávarútvegi og fiskvinnslu.

„Það er mikilvægt að fyrirtæki í fiskvinnslu bregðist við auknum fjölda vinnuslysa í fiskvinnslu á síðustu árum með aukinni fræðslu í vinnuvernd en komið hefur í ljós að slysin tengjast oftar en ekki vélbúnaði. Það er hagur allra. ÚA veitti okkur aðgang að fiskiðjuveri sínu á Akureyri, þar sem öll aðstaða er til fyrirmyndar í öryggismálum og vinnuvernd.“

Myndböndin verða aðgengileg á heimasíðu N4 og einnig á heimasíðu Vinnueftirlitsins.

Ágæt þorskveiði á Halanum

Togarinn Helga María AK hefur lokið verkefnum við Grænland og er kominn á veiðar við Ísland.

Tækni og búnaður gera vinnsluna einstaka

Nýtt hátæknivinnsluhús Samherja á Dalvík tekið í notkun. Heildarfjárfesting nemur um sex milljörðum króna og er um helmingur fjárfestingarinnar vegna tækja og hugbúnaðar.

Veiða stóran fisk ofan í Portúgali

Búið að ganga vel á netabátnum Maroni GK, að sögn skipstjórans Birgis Sigurðssonar.

Á skrapi á Gula teppinu og Sláturhúsinu

Fiskveiðiárinu er að ljúka og því þarf að leita uppi ýmsar tegundir sem ekki er sótt í alla jafna. Þá gengur á ýmsu, að sögn skipstjórans á Bergey VE.

Sáttir við aflabrögðin í sumar

Afli Höfrungs III upp úr sjó í síðasta túr var 331 tonn, sem millilandað var í Reykjavík eftir fyrri hluta túrsins, og svo 391 tonn eða rúmlega 720 tonn alls.

Færeyskum gagnabanka stefnt á allar heimsins veiðar

Fræðsluefni um öryggismál í fiskvinnslu

Brugðist við auknum fjölda vinnuslysa í fiskvinnslu á síðustu árum með aukinni fræðslu í vinnuvernd.