mánudagur, 21. júní 2021
 
TölublöðVenjuleg útgáfa

Friðrik Mar Guðmundsson ráðinn framkvæmdastjóri Loðnuvinnslunnar

1. febrúar 2013 kl. 14:26

Friðrik Mar Guðmundsson.

Tekur við af Gísla Jónatanssyni sem hættir eftir 38 ára starfsferil

Friðrik Mar Guðmundsson hefur verið ráðinn kaupfélagsstjóri Kaupfélags Fáskrúðsfirðinga og framkvæmdastjóri Loðnuvinnslunnar hf. frá 1. september 2013.
Hann tekur við af Gísla Jónatanssyni sem lætur af störfum í lok sumars eftir 38 ára starfsferil sem framkvæmdastjóri félaganna.
Friðrik Mar hefur unnið við ýmis stjórnunarstörf í gegnum árin og er nú framkvæmdastjóri Mjólku ehf og Vogabæjar ehf. Þar áður var Friðrik Mar framkvæmdastjóri Matfugls ehf., Tanga h/f á Vopnafirði og kaupfélagsstjóri Kaupfélags Stöðfirðinga. Þá hefur hann setið í stjórnum ýmissa fyrirtækja m.a. sem stjórnarformaður Loðnuvinnslunnar hf. frá árinu 2004.