Fullfermi eftir brælutúr

24. nóvember 2020 kl. 12:10

Bergey VE kom til hafnar í Vestmannaeyjum í morgun með fullfermi. Mynd/Guðmundur Alfreðsson

Bergey og Vestmannaey að landa fullfermi í dag þrátt fyrir erfiðar aðstæður til veiða.

Ísfisktogarinn Bergey VE lagðist að bryggju í Vestmannaeyjum í morgun með fullfermi og var uppistaða aflans ufsi.

Jón Valgeirsson skipstjóri segir í viðtali við heimasíðu Síldarvinnslunnar að túrinn hafi einkennst af brælu.

„Það gekk vel að veiða ef tekið er tillit til þess að við vorum á sífelldum flótta undan veðri. Við byrjuðum í Sláturhúsinu og síðan færðum við okkur vestur á Öræfagrunn, Kötlugrunn og loks í Reynisdýpið. Það var ekkert hægt að kvarta undan aflanum en veðrið hefði mátt vera miklu betra. Aflanum verður landað í dag og veðurútlit mun síðan hafa mikið að segja um framhaldið,“ segir Jón.

Systurskipið Vestmannaey VE hefur verið að karfaveiðum fyrir sunnan og vestan Eyjar. Afli hefur verið ágætur á daginn en lélegur yfir nóttina. Gert er ráð fyrir að skipið fylli í kvöld og landi í Eyjum.

53 eldisstöðvar í rekstri

Annað árið í röð varð hvergi vart við nýsmit nýrnaveiki í laxi og bleikju, en nota þurfti lyf gegn laxalús einu sinni í fyrirbyggingarskyni við Tjaldanes í Arnarfirði.

Samið um smíði verksmiðju Síldarvinnslunnar

Samningur Síldarvinnslunnar og Héðins er upp á 1,7 milljarð króna og gert ráð fyrir að verksmiðjan verði afhent í maímánuði 2022.

Skerpt á skilgreiningu tengdra aðila

Verði frumvarpsdrögin að lögum fær Fiskistofa skýrari lagaheimildir til þess að beita viðurlögum, stunda rafrænt eftirlit og afla upplýsinga um raunveruleg yfirráð í fyrirtækjum.

Óbreytt staða án sterkra árganga

Rannsóknir Hafrannsóknastofnunar á humarstofninum við Ísland sýna að langur tími gæti liðið þangað til stofninn hjarnar við en nýliðun hefur verið bágborin í rúman áratug.

Nýtt skip keypt fyrir Landhelgisgæsluna

Varðskipið Týr dæmt úr leik vegna alvarlegrar bilunar.

Gott ár þvert á hrakspár

Íslenskur sjávarútvegur kom vel frá síðasta ári þrátt fyrir mótbyr.

Fullfermi eftir brælutúr

Bergey og Vestmannaey að landa fullfermi í dag þrátt fyrir erfiðar aðstæður til veiða.