mánudagur, 21. júní 2021
 
TölublöðVenjuleg útgáfa

Geta veitt tvo þriðju í lögsögum annarra

13. maí 2014 kl. 12:32

Makríll

Færeyingar eru með 156.000 tonna makrílkvóta á þessu ári.

Makrílkvóti Færeyinga er 156.000 tonn á þessu ári. Samkvæmt samningum geta Færeyingar veitt allt að 35% kvótans í norskri lögsögu og allt að 30% í lögsögu Evrópusambandsins. 

Bent er á í frétt á vef færeyska útvarpsins að hlutfall þess sem færeysk skip mega veiða í lögsögum annarra þjóða sé í raun hærra því Færeyingar láti Rússa fá hluta makrílkvótans í staðinn fyrir þorskkvóta í Barentshafi. 

Ekki hefur enn verið ákveðið hvernig makrílkvóta þjóðarinnar verður skipt milli skipaflokka en von er á tillögu þess efnis í lok mánaðarins.