föstudagur, 18. júní 2021
 
TölublöðVenjuleg útgáfa

Góður gangur í makrílveiðum

4. ágúst 2015 kl. 11:26

Makrílvinnsla gengur vel hjá Síldarvinnslunni í Neskaupstað. Ljósm. Sylvía Kolbrá Hákonardóttir

Síldarvinnslan komin með um 10 þúsund tonn til vinnslu.

Makrílvertíðin hófst hjá Síldarvinnslunni um 10. júlí. Um verslunarmannahelgina hafði 9.383 tonnum verið landað til vinnslu í fiskiðjuveri Síldarvinnslunnar og kemur sá afli af þremur skipum; Berki NK, Beiti NK og Bjarna Ólafssyni AK. Þá höfðu frystiskipin Kristina EA og Hákon EA landað um 3.500 tonnum í frystigeymslur Síldarvinnslunnar fyrir helgina.

 Um helgina gengu veiðar vel og kom Börkur með 600 tonn til löndunar í gær. Beitir er að leggja af stað í land þegar þetta er ritað með 850 tonn. Bjarni Ólafsson er á miðunum. Frystiskipið Vilhelm Þorsteinsson landaði  500 tonnum í gær og Kristina er að landa  rúmlega 2.000 tonnum í dag.

Frá þessu er skýrt á vef Síldarvinnslunnar.