þriðjudagur, 15. júní 2021
 
TölublöðVenjuleg útgáfa

Grískir munkar kaupa Trefjabát

14. september 2012 kl. 10:35

Trefjabáturinn sem smíðaður var fyrir grísku munkana.

Báturinn mun sjá 200 manna klaustri fyrir fiski allt árið.

Bátasmiðjan Trefjar í Hafnarfirði afhenti nú á dögunum nýjan Cleopatra bát til Grikklands.

Kaupandi bátsins er Munkaklaustrið í Vatopedi sem staðsett er á Mount Athos skaganum í austurhluta Grikklands.

Báturinn mun sjá 200 manna klaustri fyrir fiski allt árið.  Reiknað er með að hann hefji veiðar núna í lok mánaðarins og verða 2-3 menn í áhöfn.

Nýi báturinn hefur hlotið nafnið “Vimatarissa”. Hann er 11brúttótonn og af gerðinni Cleopatra 33. Báturinn er útbúinn tveimur aðalvélum af gerðinni Yanmar 6LY 440hö hvor um sig tengdar ZF280IV gírum. 12kW rafstöð af gerðinni Westerbeke er um borð.

Ískrapavél er frá Kælingu. Siglingatæki eru frá Furuno. Báturinn er útbúinn til neta-, gildru- og línuveiða. Neta og gildruspil er frá Rapp. Línubúnaður er frá Able.

Öryggisbúnaður bátsins er frá Viking.

Rými er fyrir 12stk 380 lítra kör í einangraðri lest.  Vistarverur eru loftkældar og er þar svefnpláss fyrir þrjá auk eldunaraðstöðu með eldavél, örbylgjuofn og ísskáp.