föstudagur, 17. september 2021
 
TölublöðVenjuleg útgáfa

Hagnaður dregst saman

2. febrúar 2016 kl. 12:50

Hreinn hagnaður í sjávarútvegi var 15% árið 2014 eða 36,3 milljarðar, samanborið við 22,5% hagnað árið 2013

Hagnaður sjávarútvegsfyrirtækja fyrir afskriftir, fjármagnskostnað og tekjuskatt (verg hlutdeild fjármagns, EBITDA) sem hlutfall af heildartekjum sjávarútvegs minnkaði milli áranna 2013 og 2014. Í fiskveiðum og -vinnslu lækkaði hlutfallið (án milliviðskipta) úr 26,7% í 24,3%, hækkaði í fiskveiðum úr 20,1% árið 2013 í 20,4% af tekjum árið 2014 og lækkaði í fiskvinnslu úr 17% í 14,2%. Þetta kemur fram í frétt á vef Hagstofunnar.

Hreinn hagnaður (EBT) í sjávarútvegi, samkvæmt árgreiðsluaðferð, nam 15% árið 2014 samanborið við 18,2% árið áður. Í fjárhæðum nam hagnaðurinn 36,3 milljörðum króna eftir að gjaldfærð hefur verið árgreiðsla að fjárhæð 22,3 milljarðar. Sé miðað við hefðbundna uppgjörsaðferð er niðurstaðan sú sama 15% hagnaður 2014 eða 36,3 milljarðar, samanborið við 22,5% hagnað árið 2013.

Samkvæmt efnahagsreikningi voru heildareignir sjávarútvegs í árslok 2014 tæpir 574 milljarðar króna, heildarskuldir tæpir 389 milljarðar og eigið fé rúmir 185 milljarðar.