mánudagur, 21. júní 2021
 
TölublöðVenjuleg útgáfa

HB Grandi afhendir gamla Venus HF

4. júní 2015 kl. 15:05

Venus HF (Mynd af vef HB Granda).

Grænlenskt fyrirtæki keypti og greiddi 243 milljónir fyrir skipið.

Gengið hefur verið frá sölu á frystitogaranum sem áður hét Venus HF 519. Kaupandi er  grænlenska sjávarútvegsfélagið Enoksen Seafood AS. Söluverðið er 12,2 milljónir danskra króna eða jafnvirði 243 milljóna króna. Skipið hefur verið skráð á nýja eigendur og er greitt að fullu, segir í frétt frá HB Granda.

Þetta er í annað sinn sem skipið er selt til Grænlands á skömmum tíma. Í desember 2013 keypti grænlenska félagið Northern Seafood ApS, sem íslenskir aðilar voru viðriðnir, skipið á 320 milljónir króna. Þá var skipinu gefið nafnið Juni. Þessi kaup gengu síðan til baka og nú heitir skipið Maja E. 

Skipið var smíðað á Spáni fyrir Bæjarútgerð Hafnarfjarðar árið 1973 og hét þá Júní HF.