laugardagur, 21. september 2019
 
TölublöðVenjuleg útgáfa

HB Grandi selur frystitogarann Venus

17. desember 2013 kl. 16:32

Venus HF í Barentshafinu í síðustu viku. VB MYND / Þorgeir Baldursson.

Stikkorð

HB Grandi  • Venus  • Venus HF

Útgerð á Grænlandi greiðir 320 milljónir króna fyrir hinn fertuga Venus HF.

HB Grandi seldi í dag frystitogarann Venus HF 519. Kaupandinn er grænlenska félagið Northern Seafood ApS. Söluverðið er 320 milljónir króna og mun verðið greiðast á næstu árum. Fram kemur í tilkynningu frá HB Granda að togarinn er fertugur, smíðaður á Spáni árið 1973 fyrir Bæjarútgerð Hafnarfjarðar.

Venus var í fyrstu gerður út sem ísfisktogari og bar heitið Júní en nýir eigendur hyggjast nefna skipið því nafni aftur.

Markaðsdeild HB Granda hf. mun annast sölu afurða a.m.k. þar til kaupverðið er greitt að fullu.