föstudagur, 23. júlí 2021
 
TölublöðVenjuleg útgáfa

Heildarafli dregst saman milli ára

15. júlí 2021 kl. 13:00

Beitir NK á kolmunnaveiðum. MYND/Helgi Freyr Ólason

Heildarafli í júní var 21% minni en í sama mánuði í fyrra. Minni uppsjávarafli skýrir samdráttinn.

Heildarafli í júní var 49.000 tonn sem er 21% minni afli en í júní 2020. Botnfiskafli var nær óbreyttur frá fyrra ári, tæp 35.000 tonn. Af botnfisktegundum veiddist mest af þorski eða tæp 20.000 tonn. Uppsjávarafli dróst saman um 54% í júní og var mestmegnis kolmunni, 5.900 tonn og makríll rúm 4.100 tonn.

Á tólf mánaða tímabili, frá júlí 2020 til júní 2021, var landaður afli tæplega 1,1 milljón tonn sem er 4% meira magn en var landað á sama tólf mánaða tímabili ári áður. Þar af var uppsjávarafli um 562.000 tonn, botnfiskafli 483.000 tonn og flatfiskafli tæp 25.000 tonn.

Afli í júní 2021 metinn á föstu verðlagi bendir til 4,4% minni verðmæta miðað við júní í fyrra.

Fréttin byggir á upplýsingum frá Fiskistofu og berast frá löndunarhöfnum innanlands, útflytjendum afla og frá umboðsmönnum erlendis og er safnað af Fiskistofu. Um bráðabirgðatölur er að ræða.