Hlé gert á kolmunnaveiðum

26. mars 2020 kl. 09:20

Bjarni Ólafsson AK við bryggju í Neskaupstað nýkominn af kolmunnamiðunum. Mynd/Sigurjón Jónuson

Veiðar á kolmunna hefjast væntanlega suður af Færeyjum í kringum páska.

Öll kolmunnaskipin sem landa hjá Síldarvinnslunni eru komin til hafnar af miðunum vestur af Írlandi.

Á heimasíðu Síldarvinnslunnar segir að Bjarni Ólafsson AK kom til Neskaupstaðar á föstudag með 1.200 tonn og Börkur NK kom þangað á sunnudaginn var með 2.200 tonn. Loks kom Beitir NK á mánudag með 1.750 tonn.

Nú verður gert hlé á veiðunum fram undir páska en þá munu veiðar væntanlega hefjast á ný á gráa svæðinu suður af Færeyjum.

Hafþór Eiríksson, verksmiðjustjóri í Neskaupstað, segir að vinnsla á kolmunnanum hafi gengið afar vel. Úr honum fæst gott mjöl og eitthvað lýsi, en lýsið í fiskinum hefur farið minnkandi enda er hann að horast mjög um þessar mundir.

Fiskistofa hefji tilraunir með eftirlitsmyndavélar

Verkefnastjórn um bætt eftirlit með fiskveiðiauðlindinni hefur afhent Kristjáni Þór Júlíussyni, sjávarútvegs- og landbúnaðarráðherra lokaskýrslu sinni.

Makrílvertíðin hefur verið sveiflukennd

6.000 tonn af makríl komin á land hjá Vinnslustöðinni í Vestmannaeyjum á þriðjudag.

Betri sjómennska með tvöfaldri áhöfn

Þorbjörn hf. gerði breytingar á róðrakerfi með góðum árangri

Miklu fljótlegra að afgreiða trollið

Vestmannaey með nýjan poka frá Hampiðjunni.

Nýjum Berki seinkar vegna kórónuveirunnar

Kostnaður við smíðina á nýjum Berki er áætlaður 4,5 milljarðar króna en skipið verður allt hið glæsilegasta.Skipið er 80,3 metrar að lengd, 17 metrar að breidd og 3.588 brúttótonn að stærð

Nýjum Magna að líkindum siglt utan til viðgerða

Faxaflóahafnir bera ekki kostnað af viðgerðinni. Báturinn kostaði rétt liðlega einn milljarð króna.

Hlé gert á kolmunnaveiðum

Veiðar á kolmunna hefjast væntanlega suður af Færeyjum í kringum páska.