fimmtudagur, 19. september 2019
 
TölublöðVenjuleg útgáfa

Hlutdeildarýsan uppurin hjá krókaaflamarksbátum

8. febrúar 2011 kl. 14:00

Ýsa

Krókabátar hafa veitt 34% af ýsuaflanum

Krókaaflamarksbátar hafa veitt allan þann ýsukvóta sem þeir fengu úthlutað á fiskveiðiárinu, að því er fram kemur á vef Landssambands smábátaeigenda.

Hlutdeild krókaaflamarksbáta í ýsu er 15,1% sem skilaði þeim 5.909 tonnum í aflamark á yfirstandandi fiskveiðiári. Athygli vekur að nú, þegar aðeins eru liðnir rúmir fimm mánuðir af fiskveiðiárinu, hafa þeir veitt 6.165 tonn eða 256 tonnum umfram hlutdeildarúthlutunina. 

Ýsuafli krókaaflamarksbáta er rúm 34% af heildarýsuaflanum það sem af er fiskveiðiárinu. Þrátt fyrir stirðleika á leigumarkaðinum hafa krókaaflamarksbátar fært til sín 1.801 tonn af ýsu frá aflamarksskipum, segir á vef LS.