föstudagur, 17. september 2021
 
TölublöðVenjuleg útgáfa

Hrólfur Einarsson ÍS lengdur og fær nýtt nafn

10. október 2013 kl. 10:00

Hálfdán Einarsson ÍS (ex. Hrólfur Einarsson ÍS) við bryggju á Siglufirði.

Útgerð bátsins hefur aukið starfsemi sína á Vestfjörðum og íhugar fiskvinnslu á Flateyri

Krókaaflamarksbáturinn Hrólfur Einarsson ÍS hefur verið lengdur í 15 metra og fær einnig nýtt nafn, Hálfdán Einarsson ÍS.

Báturinn var lengdur hjá Siglufjarðar-Seig og var sjósettur nú í vikunni. Báturinn var áður 12,63 metrar á lengd og tæp 15 brúttótonn. Eftir lengingu mælist hann tæp 30 brúttótonn og bætist nú í hóp stóru bátanna í „litla“ kerfinu.

Útgerð bátsins, Völusteinn ehf., hefur aukið starfsemi sína á Vestfjörðum. Fyrirtækið gerir út tvo báta, festi nýlega kaup á Sirrý ÍS, og íhugar fiskvinnslu á Flateyri.

Sjá nánar í nýjustu Fiskifréttum.