fimmtudagur, 19. september 2019
 
TölublöðVenjuleg útgáfa

Íslenska sjávarútvegssýningin opnuð í fyrramálið.

21. september 2011 kl. 18:12

Frá Íslensku sjávarútvegssýningunni árið 2008 þegar hún var síðast haldin.

Yfir 500 sýnendur frá 34 löndum verða á sýningunni.

Íslenska sjávarútvegssýningin, hin tíunda í röðinni, verður opnuð í Smáranum í Kópavogi í fyrramálið. Sýningarsvæðið er 13.000 fermetrar að flatarmáli auk útirýmis. Sýningin er álíka stór og síðasta sýning sem haldin var árið 2008, en þessi sýning hefur verið haldin á þriggja ára fresti allt frá árinu 1984.

Íslenska sjávarútvegssýningin er jafnan mjög fjölsótt þótt um fagsýningu sé að ræða. Síðast voru gestir á þrettánda þúsund talsins.

Sýningin stendur í þrjá daga. Hún er opin frá klukkan 10-18 á fimmtudag og föstudag en frá 10-16 á laugardag.