þriðjudagur, 28. september 2021
 
TölublöðVenjuleg útgáfa

Japansfrysting og kolmunni

24. febrúar 2016 kl. 13:28

Norska skipið Norderveg að landa kolmunna í Neskaupstað. Ljósm: Hákon Ernuson

Í nótt kom norska skipið Norderveg til Neskaupstaðar með 2300 tonn af kolmunna

Japansfrysting er hafin í fiskiðjuveri Síldarvinnslunnar í Neskaupstað, að því er fram kemur á vef fyrirtækisins.

Hrognafylling loðnunnar er nægjanleg til að unnt sé að frysta hana fyrir Japansmarkað. Beitir NK kom í gær með 820 tonn af loðnu og er verið að frysta úr honum núna. Vilhelm Þorsteinsson EA kom í morgun með fullfermi af frystri loðnu.

Í nótt kom norska skipið Norderveg til Neskaupstaðar með 2300 tonn af kolmunna og er verið að landa úr því.