laugardagur, 21. september 2019
 
TölublöðVenjuleg útgáfa

Kanna áhrif fiskveiðilöggjafar á búsetu

20. nóvember 2017 kl. 13:04

Frá Færeyjum

Vonast til að niðurstöður liggi fyrir um mitt næsta ár.

Matís, Nofima í Noregi og Syntesa í Færeyjum vinna nú að verkefni sem ætlað er að kanna áhrif fiskveiðilöggjafa á störf og búsetu á Íslandi, í Noregi og í Færeyjum.

Verkefnið er fjármagnað af Norrænu ráðherranefndinni og er ætlað að veita grunnupplýsingar um efnahagsleg og félagsleg áhrif fiskveiðilöggjafa á sjávarútveg landanna og þá sérstaklega á hinar dreifðari byggðir.

Vonast er til þess að niðurstöður liggi fyrir um mitt ár 2018 og muni þá nýtast Norrænu ráðherranefndinni og öðrum hagaðilum til að átta sig betur á áhrifum fiskveiðilöggjafa á búsetu í þessum löndum.