mánudagur, 18. janúar 2021
 
TölublöðVenjuleg útgáfa

Kominn úr fyrsta túr ársins

7. janúar 2020 kl. 12:44

Gullver við bryggju á Seyðisfirði. MYND/ÞB

Ísfisktogarinn Gullver NS kom til heimahafnar í gærkvöld með 95 tonna afla, nánast eingöngu þorsk

Síldarvinnslan hf. greinir frá því að ísfisktogarinn Gullver NS hafi komið til heimahafnar á Seyðisfirði í gærkvöldi úr fyrsta túr ársins en skipið hélt til veiða 2. janúar.

"Aflinn í veiðiferðinni var 95 tonn, nánast eingöngu þorskur. Að sögn Rúnars L. Gunnarssonar skipstjóra var veitt í Seyðisfjarðardýpinu og undir lokin á Digranesflaki en leiðindaveður einkenndi túrinn. Fram kom að vart varð við loðnu í fiskinum sem Gullver fékk. 

Vegna veðurútlits er ekki gert ráð fyrir að Gullver haldi til veiða á ný fyrr en annað kvöld."

Þá greinir Síldarvinnslan frá því að vinnsla í frystihúsinu á Seyðisfirði hafi hafist í gær að afloknu fríi yfir hátíðarnar.

"Til að byrja með var unninn ufsi en síðan verður unninn þorskur úr Gullver. Á árinu 2019 voru unnin 2.800 tonn af fiski í frystihúsinu á Seyðisfirði og er það svipað magn og unnið hefur verið þar síðustu árin."