þriðjudagur, 26. maí 2020
 
TölublöðVenjuleg útgáfa

Landhelgisgæslan varar við hafís

9. maí 2020 kl. 14:01

Á sunnudagskvöld er spáð allhvassri vest-suðvestan átt á svæðinu og gæti ísinn þá færst nær landi.

Landhelgisgæslan varar við hafís undan Vestfjörðum en síðustu daga hefur hafísröndin fært sig nær landi og var ísröndin klukkan 21 á föstudagskvöld í um 30 sjómílna fjarlægð frá Straumnesi. Á sunnudagskvöld er spáð allhvassri vest-suðvestan átt á svæðinu og gæti ísinn þá færst nær landi. Meðfylgjandi kort sýnir ísbrúnina sem varðskipið Týr fylgdi eftir aðfaranótt laugardags. Íshrafl og ísmolar geta verið utan svæðisins. Nokkur skip eru á veiðum við ísröndina.

Meginrönd hafíssins lá um eftirtalda punkta:

67°04´N – 023°40´V

66°59´N – 023°30´V

67°01´N – 023°47´V

66°45´N – 024°20´V

66°49´N – 024°40´V

66°11´N – 026°50´V

66°17´N – 027°24´V – Þaðan liggur ísinn til vestsuðvesturs.