miðvikudagur, 21. ágúst 2019
 
TölublöðVenjuleg útgáfa

Landhelgisgæslan vill milljónir í björgunarlaun

13. nóvember 2013 kl. 12:26

Frá aðgerðum í dag. (Mynd Landhelgisgæslan):

Björgun Fernöndu kostaði Landhelgisgæsluna tugi milljóna króna.

Landhelgisgæslan ætlar að krefja tryggingafélag flutningaskipsins Fernöndu um tugi milljóna króna vegna björgunar á skipinu eftir að eldur kom upp í því um mánaðamótin. Skipið er ónýtt og verður rifið niður í brotajárn.

Georg Lárusson, forstjóri Landhelgisgæslunnar, sagði í samtali við fréttastofu 365 miðla í hádeginu gæsluna hafa orðið fyrir tjóni vegna þessa og vísaði til þess að í siglingalögum er gert ráð fyrir að hægt sé að krefjast greiðslu fyrir að koma í veg fyrir umhverfistjón. Fari svo að björgunarlaunin skili sér fær áhöfn varðskipsins Þórs hluta af þeim. Afgangurinn mun renna í sjóð Landhelgisgæslunnar.