sunnudagur, 13. júní 2021
 
TölublöðVenjuleg útgáfa

Líkanið finnur fiskinn!

4. apríl 2012 kl. 10:00

Frá togveiðum. (Mynd: Þorgeir Baldursson).

Straumalíkan af hafinu við Ísland getur orðið hjálpartæki fiskimannsins.

Meðal nýstárlegra verkefna sem nú er unnið að er gerð straumalíkans af Íslandsmiðum sem gæti gefið skipstjórum auknar vísbendingar um hvar fiskinn sé að finna hverju sinni. Þetta kemur fram í viðtali við dr. Guðrúnu Marteinsdóttur fiskifræðing og prófessor við Háskóla Íslands í páskablaði Fiskifrétta sem kom út í dag.

Straumalíkanið, sem þegar hefur verið þróað, lýsir flæði sjávar í kringum landið og skapa  möguleika á því að afla aukinnar vitneskju um ferðir fiska. Uppi eru hugmyndir  um að nota líkanið til að auðvelda skipstjórum að finna fiskinn á miðunum fljótt og vel. Í því sambandi yrði safnað saman  öllum fáanlegum upplýsingum um veiðistaði einstakra tegunda og hvenær fiskurinn var veiddur. Straumalíkanið myndi síðan gefa vísbendingar um hvar helst væri veiðivon miðað við skilyrðin í sjónum á hverjum tíma. Jafnframt gætu veiðiskipin á miðunum  sent líkaninu  á sjálfvirkan hátt gögn um gervihnött  þannig að unnt væri að  endurkeyra líkanið með nýjustu upplýsingum. Ef nægilegt fjármagn fæst til þessara rannsókna gæti þetta hjálpartæki verið komið í gagnið innan fimm ára.

Sjá nánar viðtal við Guðrúnu í páskablaði Fiskifrétta um þessar og fleiri forvitnilegar rannsóknir sem nú er unnið að.