fimmtudagur, 19. september 2019
 
TölublöðVenjuleg útgáfa

Loðnuhrognafrysting að hefjast hjá HB Granda

17. febrúar 2011 kl. 10:26

Loðnuhrogn unnin hjá HB Granda

Loðnukvóti fyrirtækisins eykst um 10.000 tonn ef ráðherra eykur loðnukvótann í samræmi við ráðleggingar Hafró.

Frysting á loðnuhrognum hefst á vegum HB Granda á Akranesi á dag. Lundey NS hefur verið að loðnuveiðum við Reykjanes og kom skipið til Akraness fyrr í gær með um 1.100 tonna loðnufarm. Stutt er á miðin frá Akranesi og tók siglingin þangað aðeins um tvo tíma.

Þetta kemur fram á heimasíðu HB Granda. Þar segir ennfremur að ef sjávarútvegsráðherra auki loðnukvótann í samræmi við ráðleggingar Hafrannsóknastofnunar frá því í gær aukist kvóti HB Granda um rúmlega 10 þúsund tonn og verði 57 þúsund tonn á vertíðinni. Búið er að veiða um helming þess magns en eftirstöðvar kvótans eru nú um 28 þúsund tonn.