mánudagur, 21. júní 2021
 
TölublöðVenjuleg útgáfa

Loðnuskipin bíða eftir að veður lægi

7. janúar 2014 kl. 17:03

Aðalsteinn Jónsson SU (Mynd: Ólafur Óskar Stefánsson).

Loðna fannst suðaustur af Kolbeinsey

„Við fórum nú þessa hefðbundnu loðnuleit fyrst, en svo komum við í loðnu um 25 mílur suðaustur af Kolbeinsey. Mér fannst vera svolítið að sjá á nokkuð stóru svæði. Sérstaklega þarna suðureftir, en við vorum í stanslausu lóði á milli 20 og 30 mílur í suður. Mér fannst þetta nokkuð gott að sjá", sagði Daði Þorsteinsson skipstjóri á Aðalsteini Jónssyni SU í viðtali í hádegisfréttum RÚV

Aðalsteinn Jónsson SU var í hópi fjögurra skipa sem héldu til loðnuleitar norður fyrir land í lok síðustu viku, leituðu þar um helgina og komu í land í gær. 

Leiðindaveður var á miðunum og gátu skipin því ekki kastað. Daði segir að þeir bíði þar til veðrið gengur niður og haldi norður fyrir land þegar líður á vikuna.