þriðjudagur, 28. september 2021
 
TölublöðVenjuleg útgáfa

Loðnuvinnsla hafin í Eyjum

24. febrúar 2016 kl. 08:53

Nýr Sigurður VE

Heimaey VE og Sigurður VE landa loðnu hjá Ísfélaginu

Fyrsta loðnan á vetrarvertíðinni kom til Vestmannaeyja í fyrrinótt, þegar Heimaey VE kom að landi með 600 tonn sem veidd voru úti af Ingólfshöfða. Þetta kemur fram í frétt á vef RÚV. Stefán Friðriksson framkvæmdastjóri Ísfélagsins segir að loðnan sé góð og fari öll í vinnslu, hrognatöku eða frystingu. Sigurður VE kom til Eyja í morgun með rúmlega 700 tonn af loðnu.

Stefán segir að mikil áhersla sé lögð á að koma með hæfilegt magn að landi og nýta aflann sem allra best. Þó Ísfélagið eigi fimmtung kvótans á vetrarvertíð, séu það ekki nema um 20 þúsund tonn og mikilvægt sé að sem mest fari í vinnslu. Loðnan verði öll seld til Japans og Úkraínu, hrognin séu kreist úr hrygnunum og fari á Japansmarkað og hængarnir frystir og seldir til Úkraínu.