föstudagur, 17. september 2021
 
TölublöðVenjuleg útgáfa

Maíkvótinn á strandveiðum kláraðist á vestursvæðinu

31. maí 2013 kl. 10:04

Á strandveiðum. Mynd/Óðinn Magnason

Á hinum svæðunum fór því víðs fjarri.

Vestursvæðið, eða svæði A, er eina svæðið þar sem mánaðarkvótinn kláraðist á strandveiðitímabilinu. 

Leyfilegt var að veiða 715 tonn af óslægðum botnfiski á svæði A í maí og voru veiðar þar stöðvaðar á miðnætti 23. maí. 

Hin þrjú svæðin eiga mikið eftir af sínum kvóta sem færist þá yfir á næsta mánuð. 

Frá þessu er skýrt á vefnum bb.is. Í gærmorgun höfðu veiðst um 43% kvótans á norðursvæðinu eða svæði B, 29% á norðaustursvæðinu eða svæði C, og 53% á suðursvæðinu eða svæði D. Síðasti dagur strandveiða í þessum mánuði var í gær. 

Um tvöfalt fleiri bátar eru á strandveiðum á svæði A en öðrum svæðum, eða 219 talsins. Á svæði B eru 99 bátar, á svæði C eru 98 bátar og á D svæði eru 118 bátar.