miðvikudagur, 21. ágúst 2019
 
TölublöðVenjuleg útgáfa

Makrílfundinum lauk án samkomulags

21. nóvember 2013 kl. 17:03

Makríll (Mynd: Þorbjörn Víglundsson)

Ákveðin bjartsýni um að lausn sé innan seilingar.

Þessa vikuna hefur staðið yfir á Írlandi samningafundur milli Íslands, Noregs, Færeyja og Evrópusambandsins um veiðar á makríl. Ekki náðist samkomulag á fundinum en engu að síður gefur hann tilefni til ákveðinnar bjartsýni um að sanngjörn lausn byggð á vísindalegum grunni sé innan seilingar," segir á vef atvinnuvegaráðuneytisins.

Veiðráðgjöf Alþjóðahafrannsóknaráðsins ICES á makríl felur í sér um 64% hækkun á ráðlögðum afla fyrir árið 2014. Makrílstofninn er því umtalsvert sterkari en fyrri rannsóknir höfðu metið hann og felst í þessu einstakt tækifæri fyrir þjóðirnar að ná samkomulagi.

Hér eftir sem hingað til leggja Íslendingar höfuðáherslu á að makrílstofninn sé nýttur á sjálfbæran máta og að vísindalegt mat sé þar lagt til grundvallar. Af ráðlagðri veiði fái Ísland síðan í sinn hlut sanngjarnan skerf enda er stór hluti makrílstofnsins í íslenskri lögsögu á sumrin í sannkallaðri ætisveislu, segir ennfremur á vef ráðuneytisins.