Meirihluti kjósenda stjórnarflokkanna hlynntur samningaleið

26. janúar 2011 kl. 11:57

Dragnótaveiðar (Mynd: Einar Ásgeirsson)

68% kjósenda Samfylkingar og 75% kjósenda VG jákvæðir gagnvart samningaleið í sjávarútvegi

Samkvæmt nýrri skoðanakönnun MMR eru 68% kjósenda Samfylkingarinnar fylgjandi svokallaðri samningaleið í sjávarútvegi. Þá mælist fylgið við samningaleiðina 75,2% á meðal kjósenda VG. Þetta kemur fram í niðurstöðum könnunar sem MMR vann fyrir LÍÚ dagana 11. -14. janúar sl. Í könnuninni lýstu 65,4% allra svarenda sig mjög eða frekar hlynnta því að fara þessa leið en 34,6% sögðust frekar eða mjög andvígir henni.

Stuðningur við samningaleiðina hefur vaxið jafnt og þétt frá því starfshópur um endurskoðun laga um stjórn fiskveiða lagði fram skýrslu sína í haust, segir í frétt á vef LÍÚ. Í könnun sem MMR vann fyrir LÍÚ í október sl. voru 51,8% fylgjandi samningaleiðinni en í sambærilegri könnun sem framkvæmd var í nóvember mældist 57,4% stuðningur við samningaleiðina.

Spurningin sem lögð hefur verið fyrir þátttakendur í þessum þremur könnunum hljóðar þannig: „Meirihluti starfshóps, sem sjávarútvegsráðherra skipaði til þess að endurskoða lög um stjórn fiskveiða, lagði í byrjun september 2010 til að farin yrði svokölluð samningaleið í sjávarútvegi. Samningaleiðin byggir á því að ríkið geri samninga við núverandi handhafa fiskveiðiheimilda um veiðiheimildir gegn gjaldi. Ertu hlynnt(ur) eða andvíg(ur) því að þessi leið verði farin?"

Í könnuninni nú fengust svör frá 890 manns en 40% svarenda tóku ekki afstöðu til spurningarinnar. Það er sama hlutfall og í fyrri könnununum tveimur.

Könnunina má skoða hér.

Keltnesku konurnar björguðu þjóðinni

Eydís Mary Jónsdóttir er land- og umhverfisfræðingur. Hún, Hinrik Carl Ellertsson matreiðslumeistari, Karl Petersson ljósmyndari og Silja Dögg Gunnarsdóttir alþingismaður, eru höfundar bókarinnar Íslenskir matþörungar sem er nýlega komin út.

Gæti varðað hafsbotnsréttindi Íslands

Búið er að mæla hafsbotninn á rúmlega þriðjungi allrar efnahagslögsögu Íslands. Mælingar í Suðurdjúpum á vegum Hafrannsóknastofnunar, sem lauk 2019, gætu skipt máli í hugsanlegum samningum við aðrar þjóðir um hafsbotnsréttindi Íslands.

Ársaflinn rúmlega milljón tonn

Milljón tonn og 21.000 tonni betur kom á land árið 2020 - rúmlega helmingur þess afla var uppsjávarfiskur.

FISK Seafood kaupir útgerðarfélagið Ölduós á Höfn

Aflaheimildir Daggar eru um 700 þorskígildistonn og eru heildarverðmæti viðskiptanna ríflega 1,8 milljarður króna.

Fizza í matinn í kvöld?

Fiskur í matinn er átak til að hvetja landsmenn til að borða meira af fiski.

Fæðuskortur gæti verið skýringin

Búið að vera dræmt úti fyrir Austurlandi, að sögn skipstjórans á Gullver NS.

Meirihluti kjósenda stjórnarflokkanna hlynntur samningaleið

68% kjósenda Samfylkingar og 75% kjósenda VG jákvæðir gagnvart samningaleið í sjávarútvegi