fimmtudagur, 24. júní 2021
 
TölublöðVenjuleg útgáfa

Mikið um að vera í Norðfjarðarhöfn

7. september 2015 kl. 11:01

Sannkölluð örtröð skipa er í Norðfjarðarhöfn þessa dagana. Ljósm. Hákon Ernuson. Mynd af vef SVN.

Börkur og Beitir liggja í höfninni að afloknum makrílveiðum

Nú um helgina hefur svo sannarlega verið líflegt í Norðfjarðarhöfn. Segja má að þar hafi verið örtröð skipa og þau skip sem ekki hafa komist að hafa legið úti á firði. Síldarvinnsluskipin, að því er fram kemur á vef SVN.

Börkur og Beitir liggja í höfninni að afloknum makrílveiðum og þar um borð er eðlilegu viðhaldi sinnt. Grænlensku skipin Polar Amaroq og Polar Princess hafa verið að landa frystri síld beint um borð í flutningaskip og Hákon EA kom með fullfermi af frystum makríl. Þá var verið að gera frystitogarann Barða kláran til veiðiferðar. Til viðbótar við þessi skip komu smærri bátar til löndunar og hvert sem litið var á  hafnarsvæðinu voru menn í önnum.