miðvikudagur, 25. nóvember 2020
 
TölublöðVenjuleg útgáfa

Minni júlíafli en í fyrra

15. ágúst 2011 kl. 09:22

Fiskur

Stafar fyrst og fremst af minni síldarafla

Fiskaflinn í júlímánuði í ár nam 104 þús. tonnum samanborið við 117 þús. tonn í júlí 2010. Mestu munaði um það að síldaraflinn minnkaði um 11 þús. tonn, en makrílaflinn varð hins vegar svo til hinn sami og í júlí

Botnfiskafli dróst saman um rúm 1.000 tonn samanborið við júlí 2010 og nam um 26.000 tonnum. Þar af var þorskaflinn rúm 8.800 tonn, sem er aukning um 63 tonn frá fyrra ári. Ýsuaflinn nam tæpum 2.000 tonnum sem er um 1.500 tonnum minni afli en í júlí 2010. Karfaaflinn jókst um rúm 1.700 tonn samanborið við júlí 2010 og nam 4.500 tonnum. Rúm 5.100 tonn veiddust af ufsa sem er tæplega 300 tonnum minni afli en í júlí 2010. Um 3.100 tonn veiddust af öðrum botnfiskafla, sem er samdráttur um rúm 400 tonn frá júlí 2010.

Rúmum 75.000 tonnum var landað af uppsjávarafla í júlí síðastliðnum samanborið við um 86.000 tonna afla í júlí 2010. Þar af var 21.300 tonnum landað af síld, sem er um 11.400 tonna samdráttur frá fyrra ári. Tæp 53.800 tonn veiddust af makríl samanborið við 53.200 tonn í júlí 2010.

Flatfiskaflinn var rúm 1.200 tonn í júlí 2011 sem er rúmlega 900 tonnum minni afli en í júlí 2010. Skel- og krabbadýraafli nam um 1.100 tonnum samanborið við tæplega 1.500 tonna afla í júlí 2010.

Nánar á vef Hagstofu Íslands.