miðvikudagur, 26. febrúar 2020
 
TölublöðVenjuleg útgáfa

Mun minni úthlutun úr deilistofnum

5. janúar 2016 kl. 08:00

Kolmunnaveiðar. (Mynd: Tómas Kárason)

Mestu munar um niðurskurð kolmunnakvótans.

Fiskistofa hefur nú úthlutað aflamarki í  úthafskarfa, norsk-íslenskri síld, kolmunna og norðuríshafsþorski í norskri efnahagslögsögu vegna ársins 2016. Heildarúthlutunin í ár nemur samtals 177 þúsund tonnum en var 271 þúsund tonn árið 2015. Mestu munar um 93.000 tonna niðurskurð á kolmunnakvóta Íslendinga milli ára. 

Úthlutunin er eftirfarandi: 

Þorskur í norskri lögsögu 7.726 tonn (var 6.913 tonn árið 2015)

Úthafskarfi 2.595 tonn (var 3.243 tonn)

Norsk-íslensk síld 45.222 tonn (var 45.926 tonn).

Kolmunni 121.641 tonn (var 215.045). 

Innifaldar í þessum tölum eru eftirstöðvar kvóta frá fyrra ári og sérstakar úthlutanir.