Norðmenn maka krókinn á skoskum makríl

30. janúar 2011 kl. 11:00

Makríll um borð í veiðiskipi. (Mynd: Þorbjörn Víglundsson).

Erlend skip hafa landað makríl í Noregi fyrir 180 milljarða ISK síðustu 15 árin

Landanir erlendra skipa á markíl í Noregi eru mjög þýðingarmiklar fyrir norskan sjávarútveg. Einkum maka Norðmenn krókinn á skoskum makríl sem berst nú til landsins í miklum mæli.

Miðað við 25. janúar síðastliðinn höfðu skosk skip landað um 40 þúsund tonnum af makríl í Noregi á árinu að aflaverðmæti rúmlega 360 milljónir NOK, eða 7,2 milljarðar ISK. Á árinu 2010 lönduðu erlend skip 56 þúsund tonnum af makríl í Noregi að verðmæti 482 milljónir NOK. Megnið af þessum markíl er unnið í Noregi, heilfryst eða flakað.

Á síðustu 15 árum hafa erlend skip landað ríflega 1,3 milljónum tonna af makríl í Noregi að verðmæti tæplega 9 milljarðar norskra króna eða um 180 milljarðar íslenskra króna.

Heimild: www.kystmagasinet.no

53 eldisstöðvar í rekstri

Annað árið í röð varð hvergi vart við nýsmit nýrnaveiki í laxi og bleikju, en nota þurfti lyf gegn laxalús einu sinni í fyrirbyggingarskyni við Tjaldanes í Arnarfirði.

Samið um smíði verksmiðju Síldarvinnslunnar

Samningur Síldarvinnslunnar og Héðins er upp á 1,7 milljarð króna og gert ráð fyrir að verksmiðjan verði afhent í maímánuði 2022.

Skerpt á skilgreiningu tengdra aðila

Verði frumvarpsdrögin að lögum fær Fiskistofa skýrari lagaheimildir til þess að beita viðurlögum, stunda rafrænt eftirlit og afla upplýsinga um raunveruleg yfirráð í fyrirtækjum.

Óbreytt staða án sterkra árganga

Rannsóknir Hafrannsóknastofnunar á humarstofninum við Ísland sýna að langur tími gæti liðið þangað til stofninn hjarnar við en nýliðun hefur verið bágborin í rúman áratug.

Nýtt skip keypt fyrir Landhelgisgæsluna

Varðskipið Týr dæmt úr leik vegna alvarlegrar bilunar.

Gott ár þvert á hrakspár

Íslenskur sjávarútvegur kom vel frá síðasta ári þrátt fyrir mótbyr.

Norðmenn maka krókinn á skoskum makríl

Erlend skip hafa landað makríl í Noregi fyrir 180 milljarða ISK síðustu 15 árin