þriðjudagur, 28. september 2021
 
TölublöðVenjuleg útgáfa

Norsk skip hafa klárað loðnukvóta sinn við Ísland

22. febrúar 2016 kl. 09:48

Loðna

Veiddu tæp 20 þúsund tonn í síðustu viku

Norsku loðnuskipin veiddu vel við Ísland í síðustu viku. Alls var afli þeirra tæp 20 þúsund tonn þegar síðustu skip höfðu tilkynnt um afla um helgina, að því er fram kemur á vef norska síldarsamlagsins. 

Þar með hafa Norðmenn því sem næst klárað loðnukvótann sinn í lögsögu Íslands. Skráð veiði er tæp 58 þúsund tonn. Þrátt fyrir erfið veðurskilyrði og vandkvæði að finna loðnu í nægilega þéttum torfum fyrir nótaveiðar tókst að veiða kvótann. 

Gæði loðnunnar hafa verið breytileg, allt frá 39 stykkjum í kíló upp í 53 stykki. Hrognafyllingin var einnig misjöfn, eða allt að 16%. Mikil eftirspurn hefur verið eftir loðnunni til manneldisvinnslu bæði í Noregi og á Íslandi.