miðvikudagur, 11. desember 2019
 
TölublöðVenjuleg útgáfa

Norskt íshafsrannsóknaskip smíðað á Ítalíu

29. nóvember 2013 kl. 11:00

Norska íshafsrannsóknaskipið Hákon krónprins. (Tölvumynd á vef norsku Hafró).

Fær nafnið Hákon krónprins og mun kosta 28 milljarða ISK.

Norska ríkið undirritaði í gær samninga við skipasmíðastöðina Fincantieri í Genóva á Ítalíu um smíði fullkomins rannsóknaskips fyrir Norðmenn sem sinna mun rannsóknum í Norður- og Suður-Íshafinu. Áætlaður kostnaður er 1,4 milljarðar norskra króna eða jafnvirði 28 milljarða íslenskra. 

Skipið mun fá nafnið Hákon krónprins og verður heimahöfnin í Tromsö í Norður-Noregi. Skipið verður eitt allra fullkomnasta íshafsrannsóknaskip í heiminum en það er hannað af Rolls Royce Marine.

Gert er ráð fyrir að skipið verði afhent á seinni helmingi ársins 2016 og verði tilbúið í fyrsta vísindaleiðangurinn í ársbyrjun 2017.