föstudagur, 18. júní 2021
 
TölublöðVenjuleg útgáfa

Ný Cleopatra 33 afgreidd til Þrándheims

8. september 2015 kl. 15:01

Fark á reynslusiglingu

Báturinn er útbúinn til neta-, handfæra -og gildruveiða

Bátasmiðjan Trefjar í Hafnarfirði afgreiddi nú á dögunum nýjan Cleopatra bát til Þrándheims í Noregi.

Kaupandi bátsins er Rødhette Fangst & Design AS.  Að útgerðinni standa Kjell-Ivar Teksdal og Hanne Kristin Eide.   Kjell-Ivar Teksdal er skipstjóri á bátnum.

Nýi báturinn hefur hlotið nafnið FARK.  Báturinn 10 metra langur og 11 brúttótonn.  FARK er af gerðinni Cleopatra 33. Aðalvél bátsins er af gerðinni Cummins QSC8.3M 493hö tengd ZF286IV gír. Siglingatæki eru frá Simrad.  Hann einnig útbúin með vökvadrifinni hliðarskrúfu sem tengd er sjálfstýringu bátsins. Báturinn er útbúinn til neta-, handfæra -og gildruveiða. Öryggisbúnaður bátsins er frá Viking. Rými er fyrir 15 stk. 380 lítra kör í lest. Í vistarverum er svefnpláss fyrir þrjá auk eldunaraðstöðu.