miðvikudagur, 21. ágúst 2019
 
TölublöðVenjuleg útgáfa

Nýtt stjórnarfrumvap um kvóta í úthafsrækju

7. nóvember 2013 kl. 07:54

Rækja (Mynd af vef Ramma hf.)

Frjálsu veiðarnar gefa 30% aflahlutdeild

Aflahlutdeild (kvóti) verður sett annars vegar í úthafsrækju og hins vegar rækju við Snæfellsnes, það er í Kolluál, Jökuldjúpi og sunnanverðum Breiðafirði, verði nýtt stjórnarfrumvarp að lögum, að því er fram kemur á vef Morgunblaðsins.

Sjötíu prósent aflahlutdeildarinnar eiga að vera samkvæmt skráðum aflahlutdeildum hvers fiskiskips í úthafsrækju við lok síðasta fiskveiðiárs. 30% verða samkvæmt aflareynslu hvers fiskiskips í úthafsrækju á þremur síðustu fiskveiðiárum þegar veiðar voru frjálsar.

Í athugasemdum við frumvarpið kemur fram að tæpur helmingur úthafsrækjuaflans síðustu þrjú árin hafi verið veiddur af skipum útgerða sem ráða ekki yfir skráðri aflahlutdeild. Bátar sem stunduðu veiðar á úthafsrækju voru 27 fiskveiðiárið 2010/2011 en hafði fjölgað í 50 á síðasta fiskveiðiári, segir ennfremur á mbl.is.