föstudagur, 15. nóvember 2019
 
TölublöðVenjuleg útgáfa

Rammi á “fish & chips” sýningu í Bretlandi

24. febrúar 2011 kl. 11:00

Rammabásinn gerður klár. (Mynd af heimasíðu Rammans)

Árleg vika “fish & chips” haldin hátíðleg í 20. sinn

Rammi tók þátt í sýningu sem haldin var í Newcastle fyrir “fish and chips” veitingastaði í Norður-Englandi, Skotlandi og Norður-Írlandi sl. sunnudag.

Mikill fjöldi gesta sótti sýninguna sem tókst vel en á henni var sýnt allt sem þarf til reksturs "fish and chips" staðanna, jafnt hráefni sem tækjabúnaður, að því er segir á heimasíðu Ramma.  

Nær allur sjófrystur fiskur sem Rammi selur er framleiddur undir vörumerki fyrirtækisins og er regluleg þátttaka á sýningum í Bretlandi liður í að kynna merkið þar.

Þess má einnig geta að nú er árleg vika “fish and chips” haldin hátíðleg í Bretlandi í 20. sinn. Staðir sem selja fiskinn eru að sjálfsögðu mjög stoltir af því að bjóða þennan þjóðarrétt Breta og halda merki hans á lofti í samkeppni við alþjóðlegar skyndibitakeðjur.