Þrjú sjávarútvegsfyrirtæki keypt á skömmum tíma

13. janúar 2011 kl. 14:53

Samherji og samstarfsaðilar erlendis færa út kvíarnar.

Breska útgerðarfyrirtækið UK Fisheries, sem Samherji á helmingshlut í, hefur keypt á skömmum tíma tvö sjávarútvegsfyrirtæki í Evrópu, Euronor og Pesquera Ancora, og helmingshlut í því þriðja. Þessi fyrirtæki gera út samtals um 16 skip að togurum UK Fisheries meðtöldum fyrir utan nokkra rækjubáta, að því er fram kemur í nýjustu Fiskifréttum.

Nýjasta fjárfesting UK Fisheries er kaup á helmingshlut í franska fyrirtækinu Compagnie des Peches Saint Malo. Franska fyrirtækið er með fjölþætta starfsemi, að því er Kristján Vilhelmsson, framkvæmdastjóri sjávarútvegssviðs Samherja, sagði í samtali við Fiskifréttir.

Compagnie des Peches Saint Malo gerir út og á hlut í 3 skipum. Flaggskip fyrirtækisins er 90 metra frystitogara, Joseph Roty 2, sem veiðir og vinnur kolmunna í marning. Einnig gerir félagið út frystitogara sem veiðir með fiskitrolli í Barentshafi og á hlut í rækjutogara á móti dönskum aðila. Þá rekur það 15 rækjubáta í Gvæjana á norðausturströnd Suður-Ameríku. Fyrirtækið fullvinnur marning í neytendaumbúðir í verksmiðju í Saint Malo í Frakklandi og þar er einnig rækjuvinnsla.

UK Fisheries Ltd. er í helmingseigu Onward Fishing (bresks dótturfélags Samherja) og hollenska fyrirtækisins Parlevliet & Van Der Plas.

Sjá nánar í nýjustu Fiskifréttum.

53 eldisstöðvar í rekstri

Annað árið í röð varð hvergi vart við nýsmit nýrnaveiki í laxi og bleikju, en nota þurfti lyf gegn laxalús einu sinni í fyrirbyggingarskyni við Tjaldanes í Arnarfirði.

Samið um smíði verksmiðju Síldarvinnslunnar

Samningur Síldarvinnslunnar og Héðins er upp á 1,7 milljarð króna og gert ráð fyrir að verksmiðjan verði afhent í maímánuði 2022.

Skerpt á skilgreiningu tengdra aðila

Verði frumvarpsdrögin að lögum fær Fiskistofa skýrari lagaheimildir til þess að beita viðurlögum, stunda rafrænt eftirlit og afla upplýsinga um raunveruleg yfirráð í fyrirtækjum.

Óbreytt staða án sterkra árganga

Rannsóknir Hafrannsóknastofnunar á humarstofninum við Ísland sýna að langur tími gæti liðið þangað til stofninn hjarnar við en nýliðun hefur verið bágborin í rúman áratug.

Nýtt skip keypt fyrir Landhelgisgæsluna

Varðskipið Týr dæmt úr leik vegna alvarlegrar bilunar.

Gott ár þvert á hrakspár

Íslenskur sjávarútvegur kom vel frá síðasta ári þrátt fyrir mótbyr.

Þrjú sjávarútvegsfyrirtæki keypt á skömmum tíma

Samherji og samstarfsaðilar erlendis færa út kvíarnar.