miðvikudagur, 25. nóvember 2020
 
TölublöðVenjuleg útgáfa

Samherji skilar Smáey úr leigu

28. apríl 2020 kl. 16:53

Áhöfnin sem skilaði Smáey VE úr leigu í morgun. Mynd/Guðmundur Alfreðsson

Smáey mun nú fara í slipp í Vestmannaeyjum þar sem skipið verður meðal annars málað í litum Þorbjarnar sem hefur keypt skipið og tekur við því von bráðar.

Samherji skilaði í morgun Smáey VE úr leigu en fyrirtækið hefur leigt skipið af Bergi-Hugin í Vestmannaeyjum síðastliðna tvo mánuði. Smáey bar áður nafnið Vestmannaey VE. Ástæða þess að Samherji leigði skipið til veiða var seinkun á afhendingu nýs Harðbaks.

Þetta kemur fram í frétt á vef Síldarvinnslunnar.

Smáey hefur verið seld Þorbirni hf. í Grindavík og mun skipið verða afhent nýjum eiganda í byrjun maímánaðar.

Smáey er ísfisktogari, smíðaður í Gdynia í Póllandi fyrir Berg-Hugin árið 2007. Skipið er 485 brúttótonn að stærð, 28.9 metra langt og 10.39 metra breitt. Í skipinu er 699 hestafla Yanmar vél.

Smáey mun nú fara í slipp í Vestmannaeyjum þar sem skipið verður meðal annars málað í litum Þorbjarnar.