mánudagur, 14. júní 2021
 
TölublöðVenjuleg útgáfa

Samningur um sjókortagerð endurnýjaður

1. febrúar 2019 kl. 15:45

Georg Kr. Lárusson, forstjóri Landhelgisgæslunnar, undirritar samninginn. Mynd/LHG

Samningur Landhelgisgæslunnar og Bresku sjómælinganna tekur á skiptum á upplýsingum og reynslu er snýr að útgáfu sjókorta.

Georg Kr. Lárusson, forstjóri Landhelgisgæslunnar og Tim Lowe, aðmíráll og yfirmaður UKHO, bresku sjómælinganna, skrifuðu á dögunum undir endurnýjaðan tvíhliða samning um áframhaldandi samstarf á sviði sjókortagerðar. 

Þetta kemur fram í skeyti frá Landhelgisgæslunni

Eins það að samningurinn tekur á skiptum á upplýsingum og reynslu er snýr að útgáfu sjókorta. Markmið með samningnum er einnig að auka öryggi sjófarenda og verndun umhverfisins. 

Landhelgisgæslan og UKHO hafa átt í nánu samstarfi á þessu svið í ríflega tvo áratugi sem m.a. hefur snúið að þjálfun starfsmanna Landhelgisgæslunnar, samskiptum við þriðja aðila er lýtur að höfundarréttarmálum og dreifingu á rafrænum sjókortum.