mánudagur, 9. desember 2019
 
TölublöðVenjuleg útgáfa

Sandsílakvóti Dana sexfaldast milli ára

31. mars 2017 kl. 15:50

Mega veiða 458.000 tonn á vertíðinni sem hefst á morgun.

Það er létt brúnin á dönskum uppsjávarveiðimönnum því sandsílakvóti danskra skipa hefur verið aukinn úr 82.000 tonnum í fyrra í 458.000 tonn í ár. Aukningin er næstum sexföld. Þetta er stærsti sandsílakvóti sem gefinn hefur verið út frá árinu 2005. 

Samkvæmt frétt á vefnum fiskeriforum.dk er þess vænst að meðalverðið á sandsíli á vertíðinni verði 1,30 danskar krónur kílóið eða jafnvirði rúmlega 21 krónu íslenskrar. Samkvæmt því leggur allur aflinn sig á tæplega 9,8 milljarða íslenskra króna.

Sandsílið er bræðslufiskur. Danir eru handhafar 94% heildarkvótans.