þriðjudagur, 19. nóvember 2019
 
TölublöðVenjuleg útgáfa

Sérstakur vísar máli Samherja frá

9. september 2013 kl. 14:43

Samherji HF

Styður okkar málflutning, segir Þorsteinn Már Baldvinsson, forstjóri Samherja

Samherji fagnar þeirri niðurstöðu Sérstaks saksóknara að vísa máli Seðlabanka Íslands á hendur félaginu frá. Þessi málalok eru í takt við það sem stjórnendur félagsins hafa alla tíð haldið fram og stutt gildum rökum, segir í frétt á heimsasíðu Samherja.

Lögmaður Samherja fékk staðfestingu frá embætti Sérstaks saksóknara í dag um að málið hefði verið sent aftur til Seðlabanka Íslands og væri nú á þeirra forræði. Jafnframt var staðfest að þessi ákvörðun embættisins hefði legið fyrir 28. ágúst sl. og að öll málsgögn væru nú aftur á forræði Seðlabanka Íslands.

„Við höfum alla tíð haldið fram sakleysi okkar í þessu máli og lagt öll spil á borðið. Þau gögn hafa verið kynnt fjölmiðlum og birst opinberlega. Sú niðurstaða sérstaks saksóknara að vísa málinu frá, styður okkar málflutning og við fögnum þeirri niðurstöðu, nú þegar um eitt og hálft ár er liðið frá því að þetta mál hófst með húsleit hjá Samherja.“ segir Þorsteinn Már Baldvinsson, forstjóri Samherja, á heimasíðu félagsins. Sjá nánar á heimasíðu Samherja.