þriðjudagur, 15. júní 2021
 
TölublöðVenjuleg útgáfa

Sigurbjörg missti pokann – og endurheimti

16. mars 2012 kl. 11:24

Karfapokinn endurheimti um borð í Sturlaugi H. Böðvarssyni. (Mynd: Vefur Ramma hf.)

Hann kom í troll Sturlaugs H. Böðvarssonar AK lítið laskaður.

Togarinn Sigurbjörg ÓF, sem Þormóður rammi hf. gerir út, varð fyrir því óhappi í yfirstandandi veiðiferð að missa pokann frá trollinu í slæmu veðri. Þrátt fyrir ítrekaðar tilraunir náðist pokinn ekki aftur upp, þó svo staðsetning hans væri alveg ljós.

Það var svo s.l. miðvikudag að pokinn kom í troll Sturlaugs H. Böðvarssonar AK og reyndist hann lítið laskaður. Troll Sigurbjargar er því komið í samt lag aftur.

Á meðfylgjandi mynd sjást skipverjar á Sturlaugi með pokann frá Sigurbjörgu.

Áður en Sigurbjörg missti pokann hafði hún millilandað 254 tonnum af karfa í Reykjavík eftir 12 daga á veiðum.

Frá þessu er skýrt á vef Ramma hf.