laugardagur, 19. október 2019
 
TölublöðVenjuleg útgáfa

Síldarvinnslan fær síld úr Breiðamerkurdýpi

9. desember 2013 kl. 13:28

Börkur NK. (Mynd: Þorgeir Baldursson).

Hefur beðið í hálfan mánuð eftir síld til vinnslu.

Sl. laugardag kom Börkur NK til Neskaupstaðar með fyrstu síldina úr Breiðamerkurdýpi sem þangað hefur borist á vertíðinni. Eins og öllum er kunnugt hefur sáralítið veiðst af síld í Breiðafirðinum upp á síðkastið og þegar Börkur kom með umræddan afla var liðinn hálfur mánuður frá því að síðast barst afli til vinnslu í fiskiðjuver Síldarvinnslunnar. Gæftaleysi hefur verið mikið á miðunum fyrir vestan og auk þess hefur lítið fundist þar af veiðanlegri síld þannig að bátarnir hafa reynt fyrir sér á Breiðamerkurdýpi.

Afli Barkar í þessari veiðiferð var 630 tonn. Að sögn Jóns Gunnars Sigurjónssonar  verkstjóra í fiskiðjuverinu reyndist síldin úr Breiðamerkurdýpinu vera smærri en sú sem veiðist fyrir vestan en ágætlega gekk þó að vinna hana.

Áhöfn Beitis er nú við síldveiðar í Breiðamerkurdýpi á Birtingi NK en Beitir hefur verið seldur og er farinn í slipp til Danmerkur. Polar Amaroq mun síðan leysa Beiti af hólmi. 

Þetta kemur fram á vef Síldarvinnslunnar. (www.svn.is)